【工程延期攻略】遇上惡劣天氣？申請 EOT (Extension of Time) 簡易指南
工程進行中，最怕遇上 惡劣天氣 (inclement weather) 攪局？⛈️ 如果因為打風落雨搞到工程延誤，點樣申請 工程延期 (Extension of Time, EOT)？唔使驚，呢份簡易指南，根據常用合約，教你基本步驟同所需文件。
「工程延期」(EOT / Extension of Time) 係咩？
簡單講，就係合約寫明嘅完工日期，因為啲特殊情況 (例如打風落雨) 可以 合法推遲。
點解要申請 EOT？ 因為如果工程遲咗完工，業主可能會根據合約罰錢，呢啲罰款就叫做「違約賠償金 (Liquidated Damages)」，簡稱 LD (Liquidated Damages 中文：違約賠償金)。成功申請 EOT 就可能避免呢啲罰款。
邊啲惡劣天氣 (inclement weather) 通常可以申請 EOT？
(參考香港常用建築合約，如 HKBC05 / SFBC 2005)
- 不可抗力 (Force Majeure): 較嚴重情況，通常要法庭判斷 (除非合約另有說明)。
- 大雨: 香港天文台記錄到工地附近 降雨量超過 20mm (要有記錄證明)。
- 熱帶氣旋警告: 香港天文台發出 八號或以上 風球。
- 黑色暴雨警告。
- 特定風險 (Specified Perils) 造成的損失: 如火災、閃電、爆炸、風暴、水浸等。
因大雨 (>20mm) 想申請 EOT，點做？
如果合約寫明落雨多過 20mm 先可以申請，跟住以下步驟做：
第一步：嗱嗱聲出「延誤通知 (Notice of Delay)」
- 時限: 惡劣天氣事件發生後 28 日內。
- 形式: 書面 通知。
- 收件人: 負責監督工程嘅 則師 (Architect)。
- 內容: 清楚講明邊啲工程受影響、預計要延長幾多時間。
- 一致性: 之後正式申請 EOT 嘅內容要同呢份通知一致。
第二步：準備「證明文件」
- 香港天文台降雨記錄: 證明降雨量嘅 關鍵文件。
- 去天文台網站搵離你工地最近嘅氣象站記錄。
- 確認每日降雨量有冇超過 20mm。
- 下載並儲存好記錄。
- 注意: 天文台完整記錄通常要 2-3 個月後先有。
- 我們網站提供工具助您尋找最接近工地的天文台氣象站，方便您準備工程延期 (EOT) 申請所需的天文台降雨記錄。 按此使用工具
-
HKO香港天文台降雨氣象站記錄
- 地盤每日報告 (Daily Report): 記錄當日天氣同工程進度。
- 相關照片: 影低惡劣天氣點樣影響停工或進度。
第三步：提交正式「EOT 申請 (Extension of Time Claim)」
- 將之前準備好嘅所有證明文件，連同正式申請信，一齊交俾則師。
- 申請內容要同之前份「延誤通知」吻合。
⚠️ 重要提醒 (Must Know!)
- 關鍵路徑 (Critical Path): 最重要！你 必須證明 惡劣天氣影響咗工程嘅 「關鍵路徑」，即係直接影響到 最終完工日期 嘅工序。
- 如果壞天氣發生喺 星期日、公眾假期 (地盤唔開工)，或者工地已經做完所有 戶外工作，只剩室內嘢，咁落雨通常 唔會 影響關鍵路徑，就好難獲批 EOT。
- 延期時間計算: 如果惡劣天氣影響唔止一日 (例如要清理積水、執手尾)，合理嘅 EOT 應該包含 所有 因此造成嘅延誤時間。
- 多個延誤通知: 為保障自己，如果連續幾日都有唔同嘅惡劣天氣事件 (例如一日八號風球，第二日黑雨)，可以考慮 分開 發出延誤通知。
- 合約為準: 最最最重要係睇清楚你份 工程合約 點樣寫！